Do looks really matter?

Kyon insaan ko hamesha khoobsurat partner he chahiye? Ladkon ko bhi khoobsurat ladki se shaadi karni hain. Aur ladkiyon ko bhi handsome, tall, cute ladke chahiye. Kisiko normal one kyon nahi chahiye, jo normal, simple dikhe?

Hum 2020 me hain. Ek taraf aaj ki youth bolti hai ki hum Modern hai, aur ek taraf shaadi ke liye isliye bhi mana kartein hain kyonki hume kisi badsurat dikhne wale insaan se shadi nahi karni hai. Toh isey modern hona nahi bolte hain, isey Racist hona bolte hain, Racist hona matlab yahi manyata rakhna nahi hota hai ki vo Hindu ya kisi aur dharm se hai, Ya koi kala ya gora gai. Racist har wo insaan hai jo kisi bhi insaan par uske natural appearance pe comment kare. For example "mai ussey shaadi nahi karunga/karungi uske daant bahar hai".

No bahu will look perfect. Her imperfections will shine brighter and if a Man doesn't look much handsome believe me, he will take care of you like a Mom.

Achha ab aap sochenge ki mai kahunga ki, Insaan ko andar se khoobsurat hona chahiye, bahar se wo kaisa bhi ho. Sach hai aur aisa hona bhi chahiye. Hum sab iss baat ko jante hain, magar mante nahi hai. Jab shaadi ka time aata hai, tab sab bhool jate hain andar ki khoobsurati, sabko bahar ki khoobsurati ka lalach aa jata hai. Agar hum yahi samajh lein ki khoobsurat andar se hona chahiye, hamari soch aisi ho jisme sadagi ho aur saralta ho. Aisa insaan andar se khoobsurat hota hai aur ye khoobsurati umra badhne ke sath sath aur chamakti hai, bahar se jo insaan dikhta hai wo to waqt ke sath shaam hote he suraj ki tarah dhal jata hai.

Mai bhi in sab logon me shamil tha, yahi sochta tha ki kisi khoobsurat ladki se he shadi karunga, phir badme samajh aaya ki ye jo meri thinking hai ye galat hai.

Mai sirf yahi kahena chahata hun ki, if you want to get married, find someone who makes you happy. So, you can live a happy married life. Har insaan khoobsurat nahi hota, agar kisi ki naak bhi tedhi hai to kya fark padta hai. Gaur se agar kisi bhi khoobsurat insaan ko dekho to wo bhi 5 min baad badsurat dikhega. Our motive in life shouldn't be to marry someone who looks good, but, to marry someone who makes you happy!

As many have you been requesting a post in Hindi, I requested my college classmate, Ankit, to write on my behalf. He is an artist and writes beautifully in Hindi. He has an Instagram page so, show him some love.